панцероти со мелено месо

Панцероти со мелено месо

Вкусни, меки, воздушести! Ви откриваме рецепт за панцероти со мелено месо, повкусни и од оние во пекарниците. Идеални за појадок со чаша јогурт, за мезе со пријателите или вкусна вечера! Не двоумете се да ги пробате.

Внесете новина на трпезата и послужете ги најблиските со интересни панцероти. Погледнете кои состојки ви се потребни и направете ги во прва прилика. Гарантираме дека ќе ви се допаднат!

панцероти со мелено месо

Состојки:

  • 700-850 г брашно
  • 250 мл млеко
  • 250 мл млака вода
  • 100 мл масло
  • 1 лажичка шеќер
  • 1 коцка квасец
  • сол по вкус.

За фил:

За премачкување:

  • 1 жолчка
  • малку млеко.

Подготовка:

  1. Во сад ставете ја млаката вода и додајте ги квасецот, една лажичка шеќер и една лажица брашно. Измешајте за да се растопи квасецот. Садот оставете го на страна за време од 5-10 минути додека квасецот нарасне.
  2. Во сад за месење ставете ги брашното, топлото млеко, маслото, солта и нараснатиот квасец. Замесете помеко тесто. Доколку е потребно, додајте повеќе брашно. Тестото оставете го да нарасне.
  3. Кромидот ситно исечкајте го. Ставете го во тава со малку масло да се пропржи. Откако кромидот ќе омекне додајте го меленото месо и зачинете по вкус. Пржете на тивок оган додека месото е готово. Потоа, оставете го да се излади. Во месото додајте кисела павлака и јајце. Убаво измешајте.
  4. Нараснатото тесто префрлете го врз набрашнета површина и со сукало формирајте кори со дебелина од 3-5 мм. Со помош на голем калап или чаша исечете кругови од тестото. Ставете по една лажица фил на половина од секој круг, преклопете го тестото и притиснете ги рабовите со калапот или виљушка за да не се одлепат.
  5. Вака подготвените панцероти наредете ги во тава обложена со хартија за печење и оставете ги да нараснат.
  6. Жолчката изматете ја со виљушка и додајте малку млеко. Премачкајте ги панцеротите и ставете ги да се печат во загреана рерна на 220 степени додека поруменат.
  7. Готовите панцероти послужете ги додека се топли во комбинација со салата по избор. На здравје!

Наша препорака:

За да го доловите најдобриот вкус на панцеротите, препорачуваме да користите свежо мелено месо од Агриа. Можете да бидете и креативни во подготовката и да направите панцероти и со пица фил. Освен свежо месо во месарниците на Агриа (Битола, Штип и Велес) може да најдете сувомеснати производи од нивно производство. Месото од Агриа може да го набавите и до Тинекс и Рамстор маркетите, а ако ви е испробано, пишете ни како ви се допаѓа и споделете кој е вашиот омилен рецепт во групата Сѐ за храна.

панцероти со мелено месо

Ви препорачуваме да прочитате: Традиционален рецепт за мусака со компири и мелено месо.

Следете ја sezahrana.mk и на Instagram и Pinterest.

*Спонзориран рецепт.

Сподели: