Лозовиот лист е популарна храна во медитеранската кујна, позната како чувар на срцето. Тој е има малку калории, а богат е со витамините Ц, Е, А, К, Б6, ниацин, рибофлавин и фолна киселина. Во исхраната најчесто се користи за подготовка на сарма од лозов лист, кои се прават со или без месо.
Ако сте љубител на сарми од лозов лист ви предлагаме да го пробате рецептот кој ни доаѓа од кујната на Марија. Сармите припремени на овој начин се сочни, вкусни, а не содржат глутен и се приготвуваат без запршка.
Состојки:
- 40 млади лозови листови
- 500 грама мелено месо
- 1,5 чаша ориз
- 1 мала главица кромид
- мешан зачин
- црн пипер
- масло.
Подготовка:
- Лозовите листови се мијат и се ставаат во тенџере на оган. Во тенџерето се става вода и се остава водата да зоврие. Штом листовите ќе се обарат, тенџерето се трга од огнот.
- Во меѓувреме се припрема филот за сармите. Кромидот ситно се сечка и се става во тава со загреено масло да се пропржи.
- Во тавата со кромидот се додава меленото месо. Се меша за време од 3 до 4 минути за да се пропржи месото. Потоа во тавата се додава оризот, се зачинува по вкус и кратко време се пропржува.
- Врз секој лозов лист, се става по една лажица од приготвениот фил со месо и се формираат сарми.
- Сармите се редат во тава. Во тавата се налева вода за да ги прекрие сармите и се става да се пече во загреена рерна на 250 степени. Печената сарма од лозов лист по желба послужете ја со кисело млеко. На здравје!
Заследи ме на социјалните мрежи:
Ако ти се допадна овој рецепт, разгледај повеќе идеи на мојот Инстаграм профил – @kocovska.marija и заследи ме. Таму ќе пронајдеш и корисни и практични совети за домот. Може да ме следиш на:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Ви предлагаме да прочитате: Посна сарма од лозов лист со грав и маслинки.
Автор на рецептот: Марија Кочовска.