Тиквичките се симбол на летото. Ниската калорична вредност и застапеноста на растителни влакна ги прават идеална и лесна храна за сите кои сакаат да ја намалат телесната тежина и да се хранат здраво.
На блогот Trydiani го најдовме овој рецепт за печени тиквички со сос од лук, кој многу ни се допадна и затоа го споделуваме со вас. Вегетаријански, без глутен и вкусно!
Состојки:
- 2 средни тиквички
- 2 -3 лажици маслиново масло
- 2 чешниња лук
- 2 мали лажички мајчина душица
- 1 лажица буковска пипер или чили, по желба
- ¼ чаша пармезан
- сол и црн пипер по вкус
Подготовка:
- Тиквичките добро измијте и со помош на нож исечете ги на слаби парчиња, но не сечете ги до крај.
- Лукот ситно исечкајте го.
- Во мал длабок сад ставете го исечканиот лук, солта, црвената пипер и маслото. Лукот истолчете го за да добиете паста. Во пастата од крем додајте ги пармезанот, мајчина душица по вкус и измешајте.
- Тиквичките ставете ги во тава обложена со хартија за печење. Со приготвената паста од лук премачкајте ги тиквичките и нанесете помеѓу исечените парчиња.
- Тиквичките ставете ги да се печат во загреена рерна на 200 до 220 степени за време од 25 минути. Потоа извадете ја тавата, а тиквичките повторно премачкајте ги со пастата од лук и зачини.
- Тавата повторно ставете ја во рерна и печете уште 20 до 30 минути, додека тиквичките омекнат и имаат добиено румена боја. Печените тиквички зачинете ги со црн пипер, мајчина душица и чили по желба. Топлите печени тиквички послужете ги со динстани шери домати, варени тестенини или сос од сенф. На здравје!
