Печено свинско каре во бело вино

Ни доаѓаат убави празници! Иако ќе прославиме само со најблиските, треба да ја внесеме празничната магија во својот дом. Трпезата нека изобилува со специјалитети, а наш предлог е печеното свинско каре во бело вино.

Знаеме дека највкусните јадења се приготвуваат со љубов и време. А, баш таков е и овој рецепт. Месото полека се печи – динстува во рерна на тивок оган неколку часа. Така е меко, сочно и многу вкусно.

печено свинско каре

Состојки:

  • 2 кг свинско каре од Слога
  • 250 мл бело вино
  • 100 мл масло
  • 3-4 чешниња лук (може и повеќе по желба)
  • 3 ловорови листови
  • 1 лажица сол
  • ½ лажица мешан зачин
  • ½ мала лажичка мелен црн пипер
  • 1 мала лажичка буковска пипер
  • 1 мала лажичка оригано
  • рузмарин по желба
  • 12 ленти чадена сланина.

Подготовка:

  1. Свинското месо оставете го да се одмрзни, а ако има некои жили отстранете ги. Потоа исечете го на два до три дела и измијте го.
  2. Месото ставете го во пекач, стаклен сад или тава со капак (ако немате капак, покријте го со алуминиумска фолија).
  3. Солта, мешаниот зачин, мелениот црн пипер, буковската пипер и ориганото ставете ги во мал сад. Измешајте ги.
  4. Месото зачинете го со подготвената мешавина од едната и другата страна.
  5. Во садот додајте го лукот, рузмаринот, ловоровиот лист, маслото и белото вино. Садот покријте го со капак или алуминиумска фолија. Месото печете го во загреана рерна на 150 степени за време од 4 до 5 часа, во зависност од рерната. По 2 часа од печењето, месото превртете го и премачкајте го со омекнатиот лук. На крајот од печењето, наредете ги лентите сланина и отстранете го капакот или фолијата. Печете уште 20-30 минути.
  6. Печеното месо оставете го да се излади, а потоа исечете го на парчиња. Послужете го со печен зеленчук по желба. Среќни празници!

Наша препорака:

За да направите вкусен празничен специјалитет со свинско каре, изберете ги производите на Слога. Долгогодишното искуство, квалитет и традиција ги прават производите на Слога задолжителен дел на секоја трпеза. Набавете замрзнато свинско каре од Слога и започнете ја кулинарската авантура. Покрај свинско каре, нивната палета нуди најразлични свински производи како свински бут без коскасвинско филе и свински врат. Посетете ја нивната веб страна или Facebook фан страна и разгледајте подетално кои производи ги нудат!

Ви препорачуваме да прочитате: Свинско каре во сос од шампињони.

Следете ја sezahrana.mk и на Instagram и Pinterest.

*Спонзориран рецепт.

Сподели: