Еве нешто ново, интересно и вкусно за јадење, како што досега не сте пробале. Од кујната на нашата пријателка Диана ни доаѓа нов рецепт за посен намаз од тиквички и грав, кој верувајте вреди да го пробате во првата прилика.
Приготвувањето на посниот намаз од тиквички, нема да ви одземе многу време, а ќе уживате во новиот вкус заедно со целото семејство. За екстра вкус ви предлагаме намазот да го послужите со домашни печени лепчиња. Вегетаријанско, посно, без глутен и здраво! Што велите за предлогот?
Состојки:
- 1 лажица масло
- 1 чешне лук
- 1 поголема тиквичка
- 2 чаши варен грав
- 2 лажици свеж сок од лимон
- 1 до 2 лажици таан
- ½ лажичка црвена пипер по желба
- ½ лажичка сол
- ½ лажичка ким
- црн пипер по вкус
- свежи зачини.
Подготовка:
- Тиквичките исечете ги на тенки ленти, премачкајте ги со масло, посолете ги со сол и наросете ги со мелен црн пипер. Вака припремените тиквички печете ги на скара додека омекнат.
- Доколку на располагање немате скара, во нелеплива тава на оган, на умерена температура ставете масло да се загрее. Во загреаното масло ставете ги лентите тиквички и пропржете ги додека омекнат.
- Во блендер ставете ги печените тиквички, варениот и цеден грав, сокот од лимон, таанот, мелениот ким, црвената пипер, солта и миксирајте ја смесата до посакуваната конзистенција. Готовиот намаз од тиквички послужете го веднаш. На здравје!
Ви предлагаме да прочитате: Вегетаријански намаз од зеленчук.