Наизглед слични со нашите ражничи, суфлаки се популарно грчко јадење кое традиционално се прави со свинско месо. Месото се маринрира со медитерански зачини и маслиново масло, а потоа се пече.
Тоа е популарна улична храна која најчесто се сервира во пита со ѕаѕики, сок од лимон, домати и кромид. Може да се направи и со пилешко или телешко месо, или нивна комбинација.
Состојки:
- 1.5 кг свинско филе од Агриа
- 3 лажици бел вински оцет
- 5 лажици екстра девствено маслиново масло
- 6 чешниња сечкан лук
- 1 лажица сенф
- 2 мали лажички оригано
- 1,5 мали лажички свеж рузарин
- 1 мала лажичка црвена пипер
- ¾ мала лажичка мелен црн пипер
- 1,5 мала лажичка сол
- Масло
- 1 лимон.
Подготовка:
- Свинското филе исечете го на коцки со големина околу 2,5 см.
- Во голема чинија ставете ги оцетот, маслиновото масло, лукот, сенфот, ориганото, рузаринот, пиперта и црниот пипер. Додајте го месото и добро измешајте. Чинијата покријте ја со најлонска фолија и оставете го месото да се маринира во фрижидер најмалку два часа. Најдобро е месото да се маринира преку ноќ.
- Пред да го печете месото, извадете го од фрижидерот околу 30 минути. Дрвените стапчиња потопете ги во вода (оваа постапка е важна за да не изгорат на скарата).
- На секое стапче редете од парчињата месо. На крај, посолете го и премачкајте го преостанатата маринада.
- Загреаната грил тава или скарата премачкајте ја со малку масло. Ставете ги суфлаките и печете ги 4-5 минути по страна (или подолго ако сакате попечено месо).
- Печените суфлаки ставете ги во чинија и покријте ги со фолија. Оставете ги да се изладат 4-5 минити.
- Пред служење попрскајте ги со свежо цеден сок од лимон. Може да ги сервирате врз пита, со ѕаѕики сос, парчиња црвен кромид, домат и прстофат црвена пипер. На здравје!
Совети плус:
- Најдобро е да користите свежо свинско месо. Посетете ги месарниците на Агриа во Битола, Велес и Штип и набавате квалитетно свинско месо од домашно производство. Месото од Агриа може да го најдете и во Тинекс и Рамстор маркетите.
- Ражничите наредете ги поблиску во тавата (скоро за да се допираат). На овој начин ќе бидат посочни.
- По печењето во тавата може да ги потпечите питите во кои ќе го сервирате месото.
А дали знаеш дека Агриа и Тинекс ги наградуваат најлојаните потрошувачи? Погледни како може да учествуваш и да освоиш една од вредните награди. За сите новости и акции посетете ја веб страницата на Агриа и следете ги на Facebook и Instagram.
Може да те интересира: Најдобриот рецепт за домашно гиро со свинско месо.
*Рецептот е овозможен од Агриа.