Потребна ви е идеја за брзо и лесно јадење? – Меленото месо секогаш е добра опција за тоа! А, ако сакате да биде вкусно и декоративно, пробајте го овој ролат од мелено месо кој одлично се вклопува на секоја трпеза!
Состојките се едноставни и лесно достапни. Штом го пробате или имате некој омилен рецепт за подготовка на ваков специјалитет, пишете ни во групата на Сѐ за храна.
Состојки:
- 650 г мешано мелено месо од Агриа
- 1 главица кромид
- 1 лажичка мешан сув зачин
- 1 лажица сечкан магдонос
- 1 јајце
- сол и црн пипер по вкус.
За фил:
- 3 лажици маслиново масло
- 2 лажици сенф
- 2-3 моркови
- 4 кисели краставички
- 50 г кашкавал.
Подготовка:
- Кромидот исчистете го и изрендајте го или ситно исечкајте го. Магдоносот измијте и и исто така ситно исечкајте го.
- Во длабок сад ставете го меленото месо и додајте ги претходно припремените магдонос и кромид, мешаниот сув зачин и јајцето. Ставете сол и црн пипер по вкус и измешајте. Садот покријте го со најлонска фолија и оставете го во фрижидер 2 часа.
- Морковите исчистете ги и исечкајте ги на подебели ленти. Ставете ги да се варат во солена вода додека омекнат.
- На работната површина ставете алуминиумска фолија и премачкајте ја со малку маслиново масло. Врз неа ставете го месото и со дланката распоредете го во правоаголна кора со дебелина од 1,5- 2cm.
- Кората премачкајте ја со 1 лажица маслиново масло и сенф.
- Краставичките и кашкавалот исечкајте ги на парчиња по должина. Во средината од кората ставете парчиња морков, кисели краставички и кашкавал.
- Со помош на фолијата завиткајте го месото и формирајте ролат. Ролатот ставете го во сад за печење, претходно премачкан со 2 лажици масло.
- Печете во загреана рерна на 180 степени, околу 30 минути. На здравје!
Совети плус:
- По желба, во ролатот може да ставите и маринирани шампињони.
Ако сакате, маслиновото масло, заменете го со сончогледово. - Ролатот со мелено месо ќе биде уште повкусен ако користите свежо и квалитетно мелено месо, за што без сомнеж ги препорачуваме месарниците на Агриа ( ги има во Битола, Штип и Велес) за да набавите месо со врвен квалитет. Агриа произведуваат домашно свинско и телешко месо, кое е идеално за подготовка на вкусни специјалитети. Телешкото месо е достапно само во нивните месарници, а свинското месо може да се најде и во Тинекс и Рамстор маркетите. За сите новости и акции посетете ја веб страницата на Агриа и следете ги на Facebook и Instagram.
Ви препорачуваме да прочитате: Гулаш на американски начин.
Следете ја sezahrana.mk и на Instagram и Pinterest.
*Поддржан рецепт.