Кога немате многу време а сакате да каснете нешто вкусно, овој рецепт е првиот на кој што треба да се сетите во летниот период. Можеби сте пробале слично јадење, а препорачуваме да го пробате и нашиот едноставен рецепт за свежи пиперки полнети со изварка.
Може да ве интересира: 7 избрани и лесни рецепти со пиперки.
Состојки:
- Зелени пиперки по потреба
- Изварка по потреба
- сол по вкус
- масло по потреба.
Подготовка:
- Најпрво измијте ги пиперките, а потоа малку потсечете им ги дршките за да не сметаат при печењето. По желба може да ги отстраните и целосно, но така е поголема можноста за изварката да излезе од пиперката за време на печењето или сервирањето.
- Откако ќе завршите со дршките, пиперките пресечете ги по должина.
- Изварката насолете ја по вкус (освен ако не е веќе солена) и додајте малку масло. Измешајте ја добро, а потоа со неа наполнете ги пиперките.
- Пред печење налејте по малку масло врз секоја пиперка, а исто така пред да ги редите премачкајте ја и тавата.
- Пиперките ставете ги да се печат во претходно загреана рерна на 180-200 степени, за време од околу 20-25 минути или додека заруменат. Тоа е тоа, лесно и вкусно, на здравје!
Ви препорачуваме да прочитате: Посни полнети пиперки со ориз и соја трошки.