Сите обожаваат ќофтиња. Меки се и сочни, а се прават прилично едноставно. Овој пат ви го презентираме рецептот за сочните грчки ќофтиња, кои може да ги направиш со печење или пржење. Она што ги прави поразлични е додатокот на свежо нане, како и валањето во брашно пред печењето.
А за совршен ручек потребни ти се квалитетно месо и добар рецепт! Рецептот може да го дознаеш подолу, а квалитетно месо набави од месарниците на Агриа или побарај го нивното месо во Рамстор и Тинекс маркетите.

Состојки:
- 1 главица црвен кромид
- 500 г мелено јунешко месо од Агриа
- 200 г мелено свинско месо од Агриа
- 2 чешниња ситно сечкан лук
- 1 чаша лебни трошки
- 1 јајце
- ¼ чаша сечкан свеж магдонос
- 6 сечкани листови нане
- ½ лажичка оригано
- 1 лажица маслиново масло
- ¾ мала лажичка сол
- Мелен црн пипер.
Дополнително:
- ½ чаша брашно
- 3 лажици маслиново масло
- Сечкан магдонос за декорација.
Подготовка:
- Кромидот изрендајте го на крупната страна од рендето. Ставете го во голема чинија и додајте ги сите состојки за ќофтињата. Измешајте ја смесата додека состојките се соединат.
- Смесата оставете ја во фрижидер за време од 1 час. Овој чекор ќе ви помогне за полесно обликување на ќофтињата, а истите ќе ја задржат и формата при пржењето.
- Со помош на лажица земајте од смесата и формирајте ќофтиња со рацете. Од наведената смеса ќе добиете 32-35 ќофтиња.
- Во тава на оган на средно висока температура ставете го маслото да се загрее.
- Ќофтињата пред пржење извалајте ги во брашно, а потоа ставете ги да се пржат. Пржете ги околу 5-6 минути, додека добијат кафеава боја. Постапката повторете ја додека ги испржите сите ќофтиња. На здравје!
Совети плус:
- По желба ќофтињата може да ги испечите. Рерната загрејте ја на 180 степени. Тавата намрсете ја и наредете ги ќофтињата. Печете ги за време од 20 минути.
- Ќофтињата може да ги послужиш со пита за гиро премачкана со ѕаѕики сос или да ги додадеш во салата.

Може да те интересира: 12 совети за подготовка на ќофтиња од мелено месо.
*Рецептот е поддржан од Агриа.
