Цвеклото е зеленчук кој на сите нас ни е познат по неговите лековити својства. Иако, можеби на многу луѓе не им е омилено поради силниот и карактеристичен вкус, од него може да се направат навистина вкусни јадења и да се искористат сите негови благодати. А баш таков е и рецептот за хумус од цвекло кој е одличен за црниот дроб.
Иако, на почеток можеби не ви звучи баш најпривлечна идејата да направите намаз од цвекло и воопшто не ви звучи вкусно, кога ќе го пробате ќе се уверите во спротивното. А, уште еден мотив плус да го направите уште денес нека ви биде неговата лековитост. Цвеклото е зеленчук кој изобилува со хранливи состојки како растителни влакна, антиоксиданси и супстанции кои го подобруваат здравјето на црниот дроб и процесот на детоксикација на организмот.
Состојки:
- 2 цвекла со средна големина или 3 помали
- 1 конзерва леблебии
- сок од 1 ½ лимон
- 5 чешниња лук
- ½ лажичка сол
- ¼ чаша маслиново масло
- ¼ чаша вода.
Подготовка:
- Во длабок сад со вода, варете го цвеклото околу 40 минути додека омекне.
- Потоа, добро исплакнете го со ладна вода, излупете го и исечете го на крупни парчиња.
- Лукот добро исчистете го од лушпите.
- Сите состојки ставете ги во блендер и блендирајте се додека добиете намаз со кремаста и хомогена структура.
- Вака подготвениот намаз послужете го со чипс од зеленчук, оризови галети, крекери или свеж леб. На здравје!
Ви препорачуваме да прочитате: Зимски лековит сок од зелка, цвекло и целер.