Печено свинско месо со мариниран кромид - специјалитет на лесен начин • Сè за храна

Печено свинско месо со мариниран кромид! Звучи примамливо, зарем не?! – Ако досега не сте направиле ваков ручек, сега е вистинското време за тоа. А ако сте пробале и знаете друг рецепт, слободно споделете го со нас во групата на Сѐ за храна.

Погледнете што ви е потребно, засукајте ги ракавите и изненадете ги дегустаторите околу вас со нов превкусен специјалитет. Денес ви предлагаме да го пробате овој рецепт за печено свинско месо со мариниран кромид.

Состојки:

1 кг свинско филе од Агриа
6 главици кромид.

За маринада:

300 мл вода
40 мл оцет
1 лажичка шеќер
1 лажичка сол.

Подготовка:

Свинското месо измијте го и исечкајте го на коцки. Ставете го во посебен сад.
Изрендајте 1 главица кромид и додајте ја во садот со месото. Зачинете со сол и црн пипер по вкус и убаво измешајте. Покријте го садот со најлонска фолија и оставете го да постои на страна.
Преостанатиот кромид исчистете го и исечкајте го. Ставете го во сад и прелијте го со вода оцет. Ставете сол и шеќер и измешајте. Оставете го кромидот да се марнира 10-15 минути. Потоа, процедете го.
Огноотпорниот сад премачкајте го со малку масло, а потоа распоредете го маринираниот кромид. Врз кромидот ставете го месото и покријте го садот со алуминиумска фолија или капак.
Ставете го да се печи во претходно загреана рерна на 220 степени околу 1 до 1 и пол час, зависно од рерната.
Готовото месо сервирајте го со гарнир по желба и послужете го. На здравје!

Наша препорака:

За да подготвите совршено вкусно печено месо кое ќе го обожаваат сите, најважно е да изберете проверен квалитет. А кога станува збор за свежо месо наш прв избор се Агриа. Ви препорачуваме да ги посетите месарниците на Агриа во Битола, Штип и Велес, како и во Тинекс и Рамстор маркетите. Во нивните месарници може да најдете свежо месо од домашно производство кое се должи на принципот „од нива до трпеза“. Долгогодишното искуство и постојаниот квалитет ги прават Агриа еден од најдобрите македонски производители на свинско месо. А за сите новости и акции посетете ја веб страницата на Агриа и следете ги на Facebook и Instagram.