Ако сте љубител на чорби од зеленчук, ви препорачуваме да го пробате рецептот за чорба од моркови и ориз. Подготовката е едноставна, а вкусот е гарантирано добар.
Состојки:
- 5 поголеми рендани моркови
- 60 гр ориз
- 1 главица ситно сечкан бел кромид
- 1 главица ситно сечкан црвен кромид
- 250 мл млеко
- 750 мл супа од зеленчук
- 2 ловорови листа
- 5 гранчиња магдонос
- 4 лажици маслиново масло
- по потреба црн пипер, сол
Подготовка:
- Во тенџере на оган ставете ги маслиновото масло, ловоровите листови, кромидот, морковите и оризот. Пржете ги на средна температура за време од 5 минути.
- Потоа налејте ја зеленчуковата супа и варете на тивок оган околу 15 до 20 минути.
- Откако оризот ќе биде сварен, извадете ги ловоровите листови и додајте го топлото млеко.
- Вратете го тенџерето на оган и оставете да чорбата да проврие уште 2-3 минути.
- На крај додајте го ситно сечканиот магдонос. Послужете додека чорбата е топла. На здравје!
Рецептот го испратил: Катерина Милошевска Глигороска