Некои ќе речат за да се приготви вкусни месо, зависи од јачината на огнот, други исклучиво од калвитетот на месото, но сите се сложуваат во едно – добрите маринади го прават месото повкусно и се неизоставен дел од секоја скара. Па, во оваа прилика во претставуваме основна маринада за скара.
Маринадите се мешавина на масло, киселина, зачини, чија цел е да го омекнат месото и да му дадат подобар вкус. Месото се става во маринадите околу 3 часа пред да се пече на скарата. Може да се чува и подолго време, до 2 дена во фрижидер, но во тој случај треба да се избегнува додавање на поголема количина на сол, затоа што солта може да ја повлечи водата од месото. А со тоа, при печењето ќе добиете суво и тврдо месо.
Основна маринада за скара
Кога приготвувате маринада треба да внимавате на овие работи. Доколку користите лук, ситно исечкајте го. Ако користите кромид, посолете го и оставете го да отстои. Во маринадата додајте го само сокот од кромидот или може да го додадете и кромидот, доколку ситно го исечкате до каша. Друг предлог е да користите лук или кромид во прав. Ова е важно, затоа што парчињата кромид или лук во текот на печењето може да загорат и да му дадат горчлив вкус.
Состојки:
- 100 мл сончогледово масло
- 100 мл јаболкова киселина
- ½ мала лажичка сол
- свежо мелен црн пипер
- 3 до 4 чешниња ситно сечкан лук.
Подготовка:
- Во длабок сад ставете го ситно сечканиот лук, додајте сол, пипер, па постепено лажица по лажица додавајте од маслото и киселината. Кога состојките добро ќе се соединат, додајте го преостанатото масло и киселината.
- Со готовата маринада добро измачкајте го месото од сите страни.
- Оваа маринада е погодна за сите врсти на месо, како и за подготовка на риба на скара.
Ви предлагаме да прочитате: Најдобра маринада за сите видови на месо.