Секој си има свој рецепт за мусака која е едно од омилените јадења во Македонија. Најчесто се прави со компири и мелено месо, а може да се најдат и варијанти со модар патлиџан или тиквички. Но, онаа традиционалната, таа ни е најубава и највкусна, омилена! Топла и сочна за убави моменти на трпезата заедно со семејството!
А, што ви треба за да направите највкусна мусака? – Прво правило е изборот на квалитетни намирници. Најдобро е да користите свежо мелено месо, кое може да го набавите од месарниците на Агриа (Битола, Штип и Велес). Агриа произведуваат домашно свинско и телешко месо. Телешкото месо е достапно само во нивните месарници, а свинското месо може да се најде и во Тинекс и Рамстор маркетите. За подготовка на мусaката користете мелено месо во сооднос 50:50. Потоа, посветете внимание на изборот на компирите и другите зеленчуци. Пожелно е да се со добар квалитет, да не се овенати и да немаат оштетувања. А доколку ги набавите од локален производител, уште подобро. Така мусаката ќе има најдобар домашен вкус кој веруваме дека ќе ве освои.
Состојки:
- 1 кг компири
- 500 г мелено месо од Агриа
- ½ до 1 главица кромид
- млака вода по потреба
- 2-3 јајца
- 250 мл млеко
- 1 мала лажичка црвена пипер
- оригано, сол и мелен црн пипер по вкус
- масло по потреба
- 100 г кашкавал.
Подготовка:
- Компирите излупете ги и исечете ги на кругови со дебелина од 3-5 мм.
- Кромидот ситно исечкајте го. Ставете го во тава со загреано масло и пропржете го додека порумени. Во тавата додајте го меленото месо и зачинете со оригано, сол и мелен црн пипер. Месото пропржете го 3-5 минути додека добие кафеава боја.
- Во намрсена тава ставете еден ред компири, посолете ги и додајте го филот со меленото месо. Потоа наредете уште еден ред од компирите и посолете.
- Во тавата додајте млака вода, отприлика во висина на компирите. Мусаката ставете ја да се печи во загреана рерна на 220 степени за време од 40 минути, додека компирите омекнат.
- Јајцата изматете ги со млекото и додајте ги во тавата. По желба додајте и рендан кашкавал. Температурата намалете ја на 150 степени и продолжете со печењето уште 10-15 минути.
Совет плус:
- Ако јадењата ја задржуваат сочноста при печењето во рерната или не сакате воопшто да остане течност, додајте помалку вода.
Кој е вашиот омилен рецепт за мусака? – Споделете го во коментар или во групата Сѐ за храна.
Ви препорачуваме да прочитате: 5 грешки кои треба да ги избегнувате при подготовка на мелено месо.
Следете ја sezahrana.mk и на Instagram и Pinterest.
*Спонзориран рецепт.